راولپنڈی: (دنیا نیوز) سربراہ عوامی مسلم لیگ اور سابق وزیر داخلہ شیخ رشید نے کہا ہے کہ سابق وزیر اعظم عمران خان صوبائی اسمبلیوں سے ہر قیمت پر نکلے گا۔
سماجی رابطے کی ویب سائٹ ٹوئٹر پر اپنے پیغام میں سابق وزیر داخلہ شیخ رشید نے کہا کہ آئی ایم ایف کھٹائی میں اور گیس 74 فیصد مہنگی پائپ لائن میں، آئی ایم ایف اسحاق ڈار کے ٹریک ریکارڈ سے ناخوش ہے۔
یہ بھی پڑھیں: ہمارے حکمرانوں کا دنیا میں امیج پیشہ ور فقیروں کا ہے: شیخ رشید
انہوں نے کہا کہ پنجاب پر یلغار، جمہوریت پر تلوار اور غریب پر مہنگائی کا وار ہے، تخت لاہور میں خریدوفروخت کی منڈی لگ گئی ہے، پاکستانیوں کی نگاہیں سپریم کورٹ نیب ترمیمی کیس پر لگی ہوئی ہیں، عمران خان صوبائی اسمبلیوں سے ہر قیمت پر نکلے گا۔
آئی ایم ایف کھٹائی میں اورگیس74فیصدمہنگی پائپ لائن میںIMFاسحاق ڈارکےٹریک ریکاڈسےناخوش ہےپنجاب پریلغارجمہوریت پرتلوارغریب پرمہنگائی کاوارہےتخت لاہورمیں خریدوفروخت کی منڈی لگ گئی پاکستانیوں کی نگاہیں سپریم کورٹ نیب ترمیمی کیس پرلگی ہیں عمران خان صوبائی اسمبلیوں سےہرقیمت پرنکلےگا
— Sheikh Rashid Ahmed (@ShkhRasheed) January 11, 2023
اپنے ایک اور ٹوئیٹ میں شیخ رشید نے کہا کہ جتنا پیسہ کمپنی کی مشہوری کے لیے ڈھول پیٹنے پر لگا رہے ہیں، وہ آٹے، گھی کی قیمت کم کرنے پر لگائیں، لوگ اسمبلیوں کی طرف نہیں اب آسمان کی طرف دیکھ رہے ہیں۔
جتنا پیسہ کمپنی کی مشہوری کےلیے ڈھول پیٹنے پرلگا رہے ہیں،وہ آٹے اور گھی کی قیمت کم کرنےپر لگائیں۔لوگ اسمبلیوں کی طرف نہیں اب آسمان کی طرف دیکھ رہےہیں۔وزیر خزانہ نے6بلین کمرشل فارن اکاؤنٹس کاذکر کرکےلوگوں کوپریشان اور بینکوں کوبدحال کردیا ہےشہروں میں سرعام چھیناچھپٹی شروع ہوگئی ہے
— Sheikh Rashid Ahmed (@ShkhRasheed) January 11, 2023
ان کا کہنا تھا وزیر خزانہ نے 6 بلین کمرشل فارن اکاؤنٹس کا ذکر کر کے لوگوں کو پریشان اور بینکوں کو بدحال کر دیا ہے، شہروں میں سرعام چھینا جھپٹی شروع ہوگئی ہے۔
یہ بھی پڑھیں: پاکستان کو خطرہ باہر نہیں ملک کے اندر سے ہے: شیخ رشید
