اسلام آباد: (دنیا نیوز) چیف الیکشن کمشنر نے صدر کے خط کا جواب دے دیا، دنیا نیوز نے الیکشن کمشنر کے صدر کو جوابی خط کی کاپی حاصل کر لی۔
چیف الیکشن کمیشن نے خط میں کہا ہے کہ صدر کا دفتر اعلیٰ ترین آئینی باڈی ہے، ہمیں یقین ہے یہ باڈی غیر جانب دار ہو گی، توقع کرتے ہیں دوسرے آئینی اداروں کے لیے صدر رہنما کا کردار ادا کریں گے۔
یہ بھی پڑھیں: الیکشن کمیشن نے صدر مملکت کے خط کے الفاظ پر اعتراض اٹھا دیا
خط میں چیف الیکشن کمشنر نے کہا کہ توقع کرتے ہیں آئینی اداروں کے لیے آئندہ الفاظ کا بہتر چناؤ کیا جائے گا، الیکشن کمیشن کسی دباؤ کے بغیر اپنی آئینی ذمہ داریاں پوری کر رہا ہے۔
.jpg)
انہوں نے خط میں لکھا کہ اگر قومی اسمبلی تحلیل ہو تو صدر الیکشن کی تاریخ دے سکتا ہے، صوبائی اسمبلیاں تحلیل ہوں تو گورنر الیکشن کی تاریخ دے سکتا ہے۔
چیف الیکشن کمشنر نے کہا کہ آئین الیکشن کمیشن کو الیکشن کی تاریخ دینے کی اجازت نہیں دیتا۔
