راولپنڈی: (دنیا نیوز) سربراہ عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ نگران حکومت پی ڈی ایم کی بی ٹیم ہے، جو کچھ لاہور میں تشدد ہوا یہ اس کا دفاع کرتے رہے۔
سماجی رابطے کی ویب سائٹ ٹوئٹر پر شیخ رشید احمد نے لکھا کہ پاکستان میں کوئی ایسی دفعہ 144 خونی نہیں ہوئی جس کا پرچہ پولیس کی مدعیت میں کٹا ہو، پولیس نے علی بلال کی شہادت کا مقدمہ اس کے والد کے بجائے پولیس کی مدعیت میں درج کیا، جو مستقبل میں نگران حکومت کے گلے پڑے گا۔
نگران حکومت PDMکیBٹیم ہےجوکچھ لاہورمیں تشددہوایہ اُس کادفاع کرتےرہےپاکستان میں کوئی ایسی دفعہ144خونی نہیں ہوئی جس کا پرچہ پولیس کی مدعیت میں کٹا ہوKPKکےگورنرکوریاست کانمائندہ بنناچاہیےمولانافضل ارحمان کانہیں پاکستان کوایشیاء پیسیفک اورانڈوپیسیفک کےدرمیان سینڈوچ بنایاجارہاہے
— Sheikh Rashid Ahmed (@ShkhRasheed) March 10, 2023
انہوں نے کہا کہ خیبر پختونخوا کے گورنر کو ریاست کا نمائندہ بننا چاہیے، مولانا فضل الرحمان کا نہیں، پاکستان کو ایشیا پیسیفک اور انڈوپیسیفک کے درمیان سینڈوچ بنایا جا رہا ہے، امریکا نے آئی ایم ایف سے معاملات پاکستان کو خود طے کرنے کا کہہ دیا ہے، اسحاق ڈار 200 کا ڈالر کرنے آئے تھے 300 کا کر دیا ہے۔
سابق وزیر کا کہنا تھا کہ شہباز اور زرداری نے الیکشن امیدواروں سے درخواستیں طلب کر لی ہیں، سپریم کورٹ کے فیصلے کی عزت پاکستان میں جمہوریت کی زندگی اور موت کا مسئلہ ہے، الیکشن سے فراریوں کو سپریم کورٹ کے کٹہرے میں کھڑا کیا جائے۔
پولیس نےعلی بلال کی شہادت کامقدمہ اُسکےوالدکی بجائےپولیس کی مدعیت میں درج کیاجومستقبل میں نگران حکومت کےگلےپڑےگاحکمرانوں کوریاست کی نہیں اپنی سیاست کی فکرہےعوام کانام ہی ریاست ہےانتخاب ہی ملک کی بقاءہےحکومت اپنےمفادکےبجائےقومی مفاداوراستحکام کاسوچےقوم زندگی اورموت کی کشمکش میں ہے
— Sheikh Rashid Ahmed (@ShkhRasheed) March 10, 2023
سربراہ عوامی مسلم لیگ نے مزید کہا کہ حکمرانوں کو ریاست کی نہیں اپنی سیاست کی فکر ہے، عوام کا نام ہی ریاست ہے، انتخاب ہی ملک کی بقا ہے، حکومت اپنے مفاد کے بجائے قومی مفاد اور استحکام کا سوچے، قوم زندگی اور موت کی کشمکش میں ہے۔
