اسلام آباد: (دنیا نیوز) پاکستان بار کونسل نے کہا ہے کہ موجودہ صورتحال پریشان کن ہے، ججز کے درمیان اختلاف ادارے کیلئے اچھا نہیں۔
پاکستان بار کونسل کی جانب سے جاری اعلامیہ میں کہا گیا ہے کہ خواہش ہے کہ فل کورٹ اجلاس بلایا جائے، فل کورٹ اجلاس میں تمام اندرونی مسائل کو حل کیا جائے۔
اعلامیہ کے مطابق تمام سیاسی مقدمات میں تنقید سے بچنے کیلئے فل کورٹ تشکیل دی جائے، موجودہ سیاسی صورتحال میں پاکستان بار کونسل آل پارٹیز کانفرنس بلانے کیلئے تیار ہے۔
