لندن: ( دنیا نیوز ) مسلم لیگ (ن) کے قائد میاں نواز شریف سے ملاقات کیلئے سابق وزیر اعظم شاہد خاقان عباسی آج استنبول سے لندن پہنچیں گے۔
ذرائع کے مطابق شاہد خاقان عباسی آج شام میاں نواز شریف سے ملاقات کریں گے جس کے دوران پارٹی معاملات پر تبادلہ خیال کیا جائے گا۔
دوسری جانب استحکام پاکستان پارٹی کے پیٹرن انچیف جہانگیر خان ترین بھی لندن میں ہی موجود ہیں، جہانگیر خان ترین اپنے طبی معائنے کیلئے لندن گئے ہیں۔
ذرائع کے مطابق جہانگیر خان ترین کی لندن میں موجودگی کے باوجود نواز شریف سے ملاقات کا کوئی امکان نہیں ہے۔
