لاہور: (دنیا نیوز) جہانگیر ترین کے صاحبزادے علی ترین نے مرحوم چچا کو یاد کرتے ہوئے کہا ہے کہ عالمگیر چچا نے اپنی شرائط پر زندگی بسر کی اور ہمیشہ چیلنجز میں خوش رہتے تھے۔
استحکام پاکستان پارٹی کے سربراہ جہانگیر ترین کے صاحبزادے علی ترین نے اپنے چچا عالمگیر ترین کی یاد میں انہیں سوشل میڈیا پرخراج تحسین پیش کیا۔
سماجی رابطے کی ویب سائٹ ٹوئٹر پر اپنے پیغام میں علی ترین نے لکھا کہ عالمگیر چچا ایک کُول چچا تھے، وہ زندگی سے بھرپور ایک کردار تھے جو زندگی، کاروبار یا کرکٹ میں درپیش چیلنجز میں ہمیشہ خوش رہتے تھے۔
— Ali Khan Tareen (@aliktareen) July 7, 2023
علی ترین نے اپنے مرحوم چچا کو یاد کرتے ہوئے مزید لکھا کہ ان کا اچانک انتقال ان لوگوں کیلئے ناقابل برداشت المیہ ہے جو انہیں اچھی طرح سے جانتے تھے، اللہ تعالیٰ ان کی روح کو خوش حال رکھے۔
