پشاور: (دنیانیوز) خیبرپختونخوا کی تحصیل باڑہ میں گزشتہ روز دہشت گردوں نے حملہ کیا، خودکش حملہ آور کے زیر استعمال گاڑی چوری کی نکلی، گزشتہ روز پولیس نے دہشت گردوں کا حملہ ناکام بنادیا تھا۔
پولیس کے مطابق باڑہ حملہ آور کے زیراستعمال گاڑی ایک ہفتہ قبل راولپنڈی سے چوری ہوئی تھی ، گاڑی کی چوری کی ایف آئی آر نیوٹاؤن راولپنڈی کے تھانے میں درج ہوئی تھی ۔
گاڑی چوری کی ایف آئی آر دنیا نیوز کو موصول ہوگئی۔
ایف آئی آر کے مطابق گاڑی 12 جولائی کو سٹی شاپنگ سنٹر راولپنڈی سے چوری ہوئی ، گاڑی کے مالک نے ایف آئی آر میں اپنے بیان میں کہا کہ سٹی شاپنگ سٹر میں فیملی کے ساتھ شاپنگ کے بعد واپس آیا تو گاڑی غائب تھی۔
یاد رہے کہ خیبرپختونخوا کی تحصیل باڑہ کے کمپاؤنڈ گیٹ پر دہشت گردوں نے حملہ کیا، جس کے نتیجے میں 4 پولیس اہلکار شہید اور 8 زخمی ہوگئے جبکہ حملہ آور مارے گئے۔
