اسلام آباد: (دنیا نیوز) وزیراعظم شہباز شریف نے صدر مملکت عارف علوی کو ٹیلی فون کرکے ان کی خیریت دریافت کی۔
وزیراعظم آفس کی جانب سے جاری بیان کے مطابق وزیراعظم شہباز شریف نے صدر مملکت ڈاکٹر عارف علوی کو مزاج پرسی کیلئے فون کیا اور ان کی خیریت دریافت کرتے ہوئے اپنی نیک خواہشات کا اظہار کیا۔
وزیراعظم نے کہا کہ اللہ تعالیٰ سے آپ کی مکمل اور جلد صحت یابی کے لیے دعا گو ہوں۔
صدر مملکت ڈاکٹر عارف علوی نے فون کرنے اور خیریت دریافت کرنے پر وزیراعظم شہبازشریف کا شکریہ اداکیا ۔
