ڈیل نوازشریف کی ڈکشنری میں نہیں ہے، جاوید لطیف

لاہور (دنیا نیوز) رہنما مسلم لیگ ن جاوید لطیف کا کہنا ہے ڈیل نواز شریف کی ڈکشنری میں نہیں ہے۔

ماڈل ٹاؤن میں مسلم لیگ ن کے سینئر رہنما جاوید لطیف نے پریس کانفرنس کرتے ہوئے کہا کہ ن لیگ تمام سیاسی فورسز کے لئے لیول پلیئنگ فیلڈ مانگتی ہے مگر 9 مئی کے ذمہ داروں کے لئے نہیں، اگر انصاف کرنے والوں کے پیچھے قوم نہیں کھڑی ہو گی تو کس سے انصاف کا مطالبہ کریں گے۔

جاوید لطیف کا مزید کہنا تھا کہ نواز شریف واحد لیڈر ہیں جو ملک کو گرداب سے نکال سکتا ہے، اکیس اکتوبر کو سب تجدید عہد کیلئے مینار پاکستان آئیں گے۔