لاہور: (دنیا نیوز) پیپلزپارٹی کے شریک چیئرمین اور سابق صدر آصف علی زرداری نے کہا کہ پیپلزپارٹی کے کارکن بلاول بھٹو کو پنجاب سے جتوا کر وزیراعظم بنائیں گے۔
پیپلزپارٹی کے شریک چیئرمین اور سابق صدر آصف علی زرداری نے این اے 127 لاہور میں انتخابی دفتر کے افتتاح کے بعد خطاب کرتے ہوئے کہا کہ ہماراسفر لمبا ہے، 40 سال سے سیاست کر رہے ہیں، آپ لوگوں نے ہمیشہ ہمیں پیاردیا، ہم ورکروں کی خواہشوں پرچلتے ہیں۔
— PPP Digital Lahore Division (@PPPDigitalLHR) January 17, 2024
سابق صدر نے کہا کہ مجھے جیل جانے کا شوق نہیں، ورکرز کا خیال ہوتا ہے، ورکرز کا یقین ہوتا ہے کہ میں لڑوں گا جھکوں گا نہیں، جیل میں لوگ مجھ سے پوچھتے تھے آپ کیوں یہاں ہیں؟ میں انہیں کہتا تھا ہمارا سسٹم اور ہے، ان کی آنکھ میں آنکھ ملاتے ہیں۔
آصف علی زرداری نے کہا کہ میں نے کوٹ لکھپت جیل میں اپنے ہاتھ سے لگائے آم کے درخت کا پھل بھی کھایا ہے۔
