لاہور: (دنیا نیوز) پاکستان مسلم لیگ ن کے صدر شہباز شریف نے کہا ہے کہ 8 فروری کو عوام کا سمندر شیر پر مہر لگا کر پاکستان کی تاریخ بدل دے گا۔
سماجی رابطے کی ویب سائٹ ایکس پر اپنے ایک پیغام میں شہباز شریف کا کہنا تھا کہ خدائے بزرگ و برتر کے بعد عوام ہی طاقت کا سرچشمہ ہیں،8 فروری کو محمد نواز شریف کی قیادت میں عوام کا ایک سمندر نکلے گا جو علیٰ الاعلان شیر پر مہر لگا کر پاکستان کی تاریخ بدل دے گا۔
— Shehbaz Sharif (@CMShehbaz) January 21, 2024
انہوں نے مزید کہا کہ ترقی اور خوشحالی کا سفر پھر وہیں سے شروع ہوگا جہاں رکا تھا۔
واضح رہے کہ پاکستان مسلم لیگ ن نے عام انتخابات کیلئے امیدواروں کی فہرست جاری کر دی ہے ، جاری کردہ فہرست کے مطابق مسلم لیگ ن کے امیدوار قومی اسمبلی کی 212 نشستوں پر الیکشن لڑیں گے۔
