لاہور: (ویب ڈیسک) پاکستان میں برطانوی ہائی کمشنر جین میریٹ کا کہنا ہے معیاری تعلیم امن، ترقی اور غربت کو ختم کرنے کے لئے بہت ضروری ہے۔
تعلیم کے عالمی دن کے موقع پر اپنے پیغام میں جین میریٹ کا کہنا ہے کہ ہر بچہ اچھی تعلیم کا مستحق ہے، لڑکیوں اور لڑکوں دونوں کو تعلیم حاصل کرنے کا مساوی حق حاصل ہے تاکہ وہ اپنے خوابوں کو پورا کر سکیں۔
انہوں نے کہا کہ پاکستان میں تقریبا 26 ملین بچے سکولوں سے باہر ہیں اور سکول جانے والے بچوں کے سیکھنے کے معیار میں کمی ہے، 2014 سے برطانیہ نے پاکستان بھر میں تعلیم تک رسائی حاصل کرنے کے لئے تقریبا 5.8 ملین بچوں کی براہ راست مدد کی ، مجھے خوشی ہے کہ حکومت پاکستان کے ساتھ یہ سفر جاری ہے۔
