ملتان: (دنیا نیوز) چیئرمین سینیٹ سید یوسف رضا گیلانی کے موبائل فون پر نامعلوم شخص کا دھمکی آمیز میسج موصول ہوا۔
ذرائع کے مطابق میسج میں چیئرمین سینیٹ کے بیٹے سید علی موسیٰ گیلانی کے حوالے سے دھمکی دی گئی، دھمکی آمیز میسج میں یہ کہا گیا کہ علی موسیٰ گیلانی لوگوں کو بہت زیادہ ناجائز تنگ کر رہا ہے اور اوباش افراد کی سرپرستی کرتا ہے۔
دھمکی آمیز میسج ملنے پر ممبر قومی اسمبلی علی موسیٰ گیلانی نے پولیس تھانہ کینٹ کو درخواست دیدی، موسیٰ گیلانی کی درخواست پر تھانہ کینٹ نے نامعلوم افراد کیخلاف مقدمہ درج کر لیا، دھمکی آمیز میسج والے نمبر کی لوکیشن ضلع خانیوال سے ٹریس ہوئی۔
پولیس حکام کے مطابق ایس پی کینٹ طاہر مجید کی سربراہی میں سی آئی اے انچارج سمیت پولیس افسروں کی ٹیم تشکیل دیدی گئی، ملزم کی گرفتاری کے لئے چھاپوں کا سلسلہ شروع کردیا۔
