اسلام آباد: (دنیا نیوز) آئندہ 24 گھنٹوں کے دوران گلگت بلتستان، کشمیر، خیبر پختونخوا اور خطہ پوٹھو ہار میں چند مقامات پر آندھی، جھکڑ چلنے اور گرج چمک کے ساتھ بارش کا امکان ہے۔
محکمہ موسمیات کے مطابق جمعہ کی شام، رات میں وسطی، جنوبی پنجاب، شمال مشرقی بلوچستان اور بالائی سندھ میں بھی آندھی، جھکڑ چلنے کے علاوہ گرج چمک کے ساتھ بارش متوقع ہے۔
اسلام آباد میں جمعہ کے روز درجہ حرارت 37 سے 39 ڈگری سینٹی گریڈ رہنے کا امکان ہے، کوئٹہ میں 32 سے 34 اور لاہور میں 39 سے 41 ڈگری سینٹی گریڈ رہنے کا امکان ہے۔
کراچی میں درجہ حرارت 34 سے 36 ڈگری سینٹی گریڈ، پشاور میں 36 سے 38 اور مظفر آباد میں درجہ حرارت 30 سے 32 ڈگری سینٹی گریڈ رہنے کی توقع ہے۔
