اسلام آباد: (دنیا نیوز) ترجمان دفتر خارجہ نے کہا ہے کہ اٹامک انرجی ایجنسی کا ممبر منتخب ہونا پاکستان کی نیوکلیئر انرجی کے پرامن اور مثبت استعمال کی علامت ہے۔
ترجمان دفتر خارجہ کے مطابق پاکستان کو دو سال کے لئے عالمی اٹامک انرجی ایجنسی کے بورڈ ممبرز میں منتخب کیا گیا ہے، پاکستان کو ویانا میں آئی اے ای اے جنرل کانفرنس میں رواں ماہ شروع ہونے والی ٹرم کے لئے منتخب کیا گیا۔
یہ بھی پڑھیں: پاکستان انٹرنیشنل اٹامک انرجی ایجنسی کے بورڈ آف گورنرز کا رکن منتخب
ترجمان کا کہنا ہے پاکستان نیوکلیئر انرجی کے شعبے میں اس کے پرامن استعمال کے تجربات کو شیئر کرنے کا اعادہ رکھتا ہے، رواں ماہ کے آغاز پر پاکستان نیوکلیئر انرجی کے دسویں کنونشن آف نیوکلیئر سیفٹی میں بطور صدر بھی منتخب ہو چکا ہے۔
