کراچی :(دنیا نیوز)امیر جماعت اسلامی حافظ نعیم الرحمان نے کہا ہے کہ حسن نصر اللہ نے عظیم مقصد کی خاطراپنی جان قربان کردی۔
امیر جماعت اسلامی کا اپنے ایک بیان میں کہنا تھا کہ حزب اللہ کے سربراہ حسن نصر اللہ نے ساری زندگی ناجائز اسرائیلی ریاست کے خلاف مزاحمت کی،اللہ حزب اللہ کے سربراہ حسن نصر اللہ کی شہادت قبول فرمائے۔
انہوں نے کہا کہ حسن نصر اللہ نے عظیم مقصد کی خاطراپنی جان قربان کردی،ان شاء اللہ حزب اللہ کی اسرائیل مزاحمت جاری رہے گی، اقوام متحدہ کے اجلاس کے دوران لبنان اور غزہ پر ہونے والے حملوں سے ثابت ہوگیا کہ اقوام متحدہ عملاً ایک ناکارہ ادارہ ہے۔
حافظ نعیم کا مزید کہنا تھا اقوام متحدہ عالمی طاقتوں کے مفادات کا تحفظ کرنے والی بین الاقوامی تنظیم ہے، مسلم حکمرانوں اور افواج کو سوچنا ہوگا کہ وہ اس وقت کہاں اور کس کے ساتھ کھڑے ہیں؟
