ژوب : (دنیا نیوز) قومی شاہراہ پر ٹریفک حادثے میں 3 خواتین سمیت 5 افراد جاں بحق ہو گئے۔
ریسکیو ذرائع کے مطابق حادثہ ژوب کوئٹہ شاہراہ پر بادن زئی کے مقام پر پیش آیا جس میں 5 افراد جاں بحق جبکہ متعدد افراد زخمی ہو گئے۔
ذرائع کا کہنا ہے کہ لاشوں اور زخمیوں کو ٹراما سینٹر ژوب منتقل کر دیا گیا جہاں سے شدید زخمیوں کو کوئٹہ منتقل کیا جائے گا۔
ریسکیو ذرائع کا کہنا ہے کہ حادثہ ٹرالر اور کار میں تصادم کے باعث پیش آیا، جاں بحق افراد میں 3 خواتین بھی شامل ہیں۔
