اسلام آباد: (ویب ڈیسک) سپیکر قومی اسمبلی سردار ایاز صادق نے کہا کہ خوارجی دہشتگرد اپنے مذموم مقاصد میں کبھی کامیاب نہیں ہوں گے۔
سپیکر قومی اسمبلی سردار ایاز صادق نے شمالی وزیرستان میں آپریشنز کے دوران 9 خوارجی دہشتگردوں کو جہنم واصل کرنے پر سکیورٹی فورسز کو خراج تحسین پیش کیا، انہوں نے کہا کہ خوارجی دہشتگردوں کے ناپاک عزائم کو خاک میں ملانے کیلئے سکیورٹی فورسز کی کارروائیاں قابل ستائش ہیں۔
سردار ایاز صادق نے کہاکہ دہشتگردی کے مکمل خاتمے تک فتنہ الخوارج کے خلاف کارروائیاں جاری رہیں گی، دہشتگردی کے خاتمے کیلئے سکیورٹی فورسز کا غیر متزلزل عزم لائق تحسین ہے، دہشتگردی کے خلاف جنگ میں پوری قوم متحد ہے۔
