لاہور: (دنیا نیوز) پنجاب کے مختلف شہروں میں دھند کا راج برقرار ہے، حد نگاہ کم ہونے پر موٹر ویز متعدد مقامات سے بند کر دی گئی ہے۔
ترجمان موٹر وے پولیس کے مطابق موٹر وے ایم 2 لاہور سے کوٹ مومن جبکہ ایم 3 لاہور سے ملتان تک بند ہے۔
ایم فور پر پنڈی بھٹیاں سے ملتان تک ٹریفک کا داخلہ ممنوع ہے، موٹر وے ایم 5 پر ملتان سے اوچ شریف تک انٹری بند کی گئی ہے، لاہور سیالکوٹ موٹروے ایم 11 بھی دھند کے باعث بند ہے، قومی شاہراہوں پر حد نگاہ کم ہونے پر ٹریفک کی روانی متاثر ہے۔
ترجمان موٹر وے پولیس کا کہنا ہے کہ ڈرائیور حضرات اپنی گاڑیوں میں آگے اور پیچھے فوگ لائٹس کا استعمال کریں تاکہ دیگر گاڑیوں کو بہتر طور پر دیکھا جا سکے، شہریوں کو غیر ضروری سفر سے گریز کرنے بھی کی ہدایت کی ہے۔
