قصور: (دنیا نیوز) تیز رفتار بس کی ٹکر سے موٹرسائیکل سوار میاں بیوی جاں بحق ہوگئے۔
افسوسناک واقعہ ملتان روڈ کلالاں والا کھوہ کے قریب پیش آیا جہاں تیز رفتار بس نے موٹرسائیکل کو بری طرح کچل ڈالا، حادثے میں موٹرسائیکل پر سوار میاں بیوی موقع پر دم توڑ گئے۔
حادثے کی اطلاع ملتے ہی پولیس اور ریسکیو ٹیمیں موقع پرپہنچ گئیں، جاں بحق افراد کی لاشوں کو ہسپتال منتقل کردیا گیا جبکہ بس ڈرائیور موقع سے فرار ہونے میں کامیاب ہوگیا۔
