اسلام آباد: (دنیا نیوز) ترجمان پاکستانی ہائی کمیشن نئی دہلی نے بتایا ہے کہ بھارت سے 5 پاکستانی قیدیوں کو وطن واپس بھیج دیا گیا۔
ترجمان کے مطابق وطن واپس پہنچنے والوں میں خادم حسین، محمد مسرور، نند لال شامل ہیں، سید جعفر حسین زیدی اور محمد امجد بھی وطن واہس آنے والوں میں شامل ہیں۔
انہوں نے کہا کہ پاکستانی مشن بھارت میں تمام پاکستانی قیدیوں کی رہائی اور وطن واپسی کے لیے کام جاری رکھے گا۔
