گوجرانوالہ: (دنیا نیوز) ایف آئی اے گوجرانوالہ نے کارروائی کرتے ہوئے یونان کشتی حادثے میں ملوث انسانی سمگلر سمیت 2 ملزموں کو گرفتار کر لیا۔
ملزم عنصر محمود کو نارووال جبکہ ملزم محمد اویس کو گوجرانوالہ سے گرفتار کیا گیا، ملزم نے دیگر ساتھیوں کی ملی بھگت سے متاثرہ احسن علی کو یورپ بھجوانے کیلئے 45 لاکھ روپے بٹورے تھے۔
ایران میں 4 پاکستانی جوانوں پر تشدد کرنے والے انسانی سمگلر پکڑے گئے، ایف آئی اے نے کارروائی کرتے ہوئے 5 میں سے 3 انسانی سمگلرز گرفتار کرلئے، دیگر 2 کی گرفتاری کیلئے چھاپے مارے جارہے ہیں۔
انسانی سمگلروں نے چونیاں، کوٹ رادھا کشن اور رائیونڈ کے چار افراد کو اٹلی بھجوانے کیلئے 32 لاکھ فی کس وصول کئے تھے۔
