پشاور: (دنیا نیوز) وزیراعلیٰ خیبر پختونخوا علی امین گنڈا پور نے لیبیا میں پاکستانی شہریوں کی کشتی کو پیش آنے والا حادثہ پر افسوس کا اظہار کیا۔
وزیراعلیٰ علی امین گنڈا پور نے حادثے میں پختونخوا سے تعلق رکھنے والے 16 شہریوں کے جاں بحق ہونے پر دلی رنج و غم کا اظہار کیا، وزیراعلیٰ نے جاں بحق افراد کے لواحقین سے دلی ہمدردی اور تعزیت کا اظہار کیا۔
علی امین گنڈا پور نے جاں بحق افراد کی مغفرت اور پسماندگان کے لئے صبر جمیل کی دعا کی، حادثے میں لاپتہ دس پاکستانی شہریوں کی خیریت کے لئے نیک خواہشات کا اظہار کیا، انہوں نے کہا کہ سوگوار خاندانوں کے غم میں برابر کے شریک ہیں۔
