لوٹن: (دنیا نیوز) گورنر سندھ کامران خان ٹیسوری نے کہا کہ اوورسیزپاکستانی ملکی ترقی میں اہم کردار ادا کررہے ہیں۔
برطانیہ کے شہر لوٹن میں تقریب سے خطاب کرتے ہوئے گورنر سندھ کامران خان ٹیسوری نے کہا کہ پاکستان کے ساتھ سیاست نہیں کرنی چاہیے، یہ ہم سب کاملک ہے، آپ کے والدین اوربزرگ پاکستان سے آئے ہیں،ہمیں اس کی عزت کاخیال رکھنا چاہیے۔
انہوں نے کہا کہ ایس آئی ایف سی کے قیام سے پاکستان میں سرمایہ کاری کے بے شمارمواقع پیدا ہوئے، اوورسیز پاکستانی ایس آئی ایف سی کے ذریعے سرمایہ کاری کے مواقع سے فائدہ اٹھائیں۔
گورنرسندھ نے کہا کہ پاک فوج پاکستان کی سلامتی، استحکام اور ترقی کی ضامن ہے، ہمیں پاکستان کے وقار اور عزت کا ہر صورت خیال رکھنا ہوگا۔
کامران خان ٹیسوری کا مزید کہنا تھا کہ سرمایہ کاری کے فروغ اورمعیشت کے استحکام کے لیے حکومت اور فوج ایک پیج پرہیں، پاکستان کے روشن مستقبل کے لیے تمام پاکستانیوں کو یکجا ہو کر کام کرنا ہوگا۔
