اسلام آباد:(دنیا نیوز) وکیل پاکستان تحریک انصاف فیصل چودھری نے کہا ہے کہ نوازشریف سیاست سے آؤٹ ہو چکے ہیں۔
دنیا نیوز کے پروگرام ’’دنیا مہربخاری کےساتھ‘‘میں گفتگو کرتے ہوئے فیصل چودھری کا کہنا تھا کہ نارووال میں سرکاری خرچے پر جلسہ کیا گیا، یہ ڈرے ہوئےہیں، عالیہ حمزہ کو جلسے کی اجازت نہیں دی گئی۔
انہوں نے کہا کہ نوازشریف سیاست سےآؤٹ ہوچکےہیں، ہمارے مولانا فضل الرحمان کےساتھ تعلقات میں بہتری آئی ہے، ہم اپوزیشن جماعتوں کےساتھ مسلسل رابطے میں ہیں، مولانا کےجوبھی تحفظات ہوئےانہیں دورکریں گے۔
وکیل تحریک انصاف کا مزید کہنا تھا کہ علی امین گنڈا پورکا بطوروزیراعلیٰ اداروں سےرابطہ رہتا ہے، علی امین گنڈا پورکے بیک ڈور اور فرنٹ ڈور رابطے رہتے ہیں۔
