لاہور: (دنیا نیوز) وفاقی وزیر احسن اقبال نے تحریک انصاف کو سربراہ تبدیل کرنے کا مشورہ دے دیا۔
وفاقی وزیر احسن اقبال نے کہا کہ بانی پی ٹی آئی قومی مجرم ہیں انہیں ہٹا کر کوئی ایماندار قیادت سامنے لائی جائے، اپوزیشن پاکستان کی ترقی سے پریشان ہے، یہ خالی کرسیوں کے ساتھ کانفرنس کررہے ہیں۔
احسن اقبال نے کہا کہ پاکستان کو سیاسی نہیں بلکہ معاشی لانگ مارچ کی سخت ضرورت ہے، بانی پی ٹی آئی نے لندن سے ملنے والا چوری کا پیسہ اسی چور کے اکاؤنٹ میں جمع کروا دیا۔
وفاقی وزیر کا مزید کہنا تھا کہ تحریک انصاف کے کارکنان کو چاہئے کہ وہ بانی پی ٹی آئی کا گریبان پکڑیں اور پوچھیں کہ ان کے اعتماد کو ٹھیس کیوں پہنچائی۔
