لاہور: (دنیا نیوز) پاکستان پیپلز پارٹی اور پاکستان مسلم لیگ ن کی کوآرڈی نیشن کمیٹیوں کا اجلاس آج گورنر ہاؤس میں ہوگا۔
اجلاس کی میزبانی گورنر پنجاب سردار سلیم حیدر کریں گے ، پیپلزپارٹی کی طرف سے راجہ پرویز اشرف، حسن مرتضیٰ، ندیم افضل چن اور قاسم گیلانی شریک ہوں گے جبکہ اسحاق ڈار، رانا ثنا اللہ ، مریم اورنگزیب اور سعد رفیق مسلم لیگ ن کی نمائندگی کریں گے۔
ذرائع کے مطابق پیپلزپارٹی صوبائی اتھارٹیز میں نامزدگیاں، ترقیاتی فنڈز، بیوروکریسی میں تبادلوں کے معاملات حکومت کے سامنے رکھے گی، حکومت کی جانب سے پیپلز پارٹی کے شکوے دور کرنے کی کوشش کی جائے گی۔
