اسلام آباد: (دنیا نیوز) سپیکر قومی اسمبلی سردار ایاز صادق نے جمعیت علمائے اسلام کے رہنما، سابق ممبر قومی اسمبلی حافظ حسین احمد کے انتقال پر گہرے دکھ اور افسوس کا اظہار کیا۔
سپیکر قومی اسمبلی سردار ایاز صادق نے حافظ حسین احمد کی سیاسی، سماجی اور دینی خدمات کو خراج تحسین پیش کرتے ہوئے کہا کہ حافظ حسین احمد ایک مدبر، بردبار، زیرک سیاستدان اور معروف مذہبی رہنما تھے، حافظ حسین احمد کے انتقال سے ملک ایک زیرک سیاسی اور مذہبی رہنما سے محروم ہو گیا۔
ایاز صادق کا مزید کہنا تھا کہ حافظ حسین احمد کی وفات سے پیدا ہونے والا خلا تادیر پر نہیں ہو سکے گا، سپیکر قومی اسمبلی نے مرحوم حافظ حسین احمد کے اہلخانہ سے دلی تعزیت اور ہمدردی کا اظہار کرتے ہوئے کہاکہ مرحوم حافظ حسین احمد کے اہلخانہ کے دکھ اور غم میں برابر کا شریک ہوں۔
سپیکر قومی اسمبلی نے اللہ تعالیٰ سے مرحوم کے درجات کی بلندی اور لواحقین کیلئے صبر جمیل کی دعا۔
