مدینہ منورہ: (دنیا نیوز) ایم کیو ایم کے تحفظات پر وفاقی وزیراحسن اقبال نے ایم کیو ایم کے رہنماؤں کے ساتھ آن لائن میٹنگ کی۔
احسن اقبال نے سعودی عرب سے ایم کیو ایم رہنماؤں سے آن لائن میٹنگ کی، زوم میٹنگ میں چیئرمین ایم کیو ایم پاکستان ڈاکٹر خالد مقبول صدیقی، مصطفیٰ کمال، امین الحق، جاوید حنیف اور اظہارالحسن شریک تھے۔
ذرائع کے مطابق میٹنگ میں متعلقہ ادارے کے افسران بھی شریک تھے، حکومت نے کراچی اور حیدرآباد میں ترقیاتی کام کروانے کی یقین دہانی کروا دی۔
میٹنگ میں کراچی اور حیدرآباد کے ترقیاتی فنڈز جاری اور جلد کام شروع کرنے پر بات چیت ہوئی، احسن اقبال نے جلد ترقیاتی کام شروع کروانے کی یقین دہانی کروائی۔
واضح رہے کہ گزشتہ روز امین الحق نے مطالبات نہ ماننے کا گلہ کیا تھا اور اپوزیشن بینچوں پر بیٹھنے پر غور کرنے کی بات کی تھی۔
