کامونکی: (دنیا نیوز) کامونکی میں ٹریفک حادثے کے دوران 3 پولیس اہلکار جاں بحق ہوگئے۔
پولیس حکام کے مطابق کامونکی میں کوٹ بلال کے قریب موٹر سائیکل اور گدھا گاڑی کے تصادم میں 3 پولیس اہلکار جاں بحق جبکہ ایک زخمی ہوا ہے، پولیس اہلکار روات ٹریننگ سینٹر سے عید منانے گھروں کو آئے تھے۔
حکام کا کہنا ہے کہ متوفیان کی شناخت عثمان، حسن علی اور طیب خان کے نام سے ہوئی۔
پولیس حکام کے مطابق حادثے میں جاں بحق ہونے والوں کا تعلق تتلے عالی کے علاقوں کنگر والی، کوٹ نثار شاہ سے تھا۔
اس کے علاوہ کامونکی میں ہی جی ٹی روڈ پر بس نے موٹرسائیکل سواروں کو کچل دیا جس کے نتیجے میں 70 سالہ شخص جاں بحق جبکہ 8 سالہ بچہ زخمی ہوگیا، نعش اور زخمی کو ہسپتال منتقل کر دیا گیا ہے۔
