پشاور: (دنیا نیوز) پاکستان تحریک انصاف میں اختلافات کا معاملہ، چیئرمین پی ٹی آئی بیرسٹر گوہر نے فریقین کو راضی نامہ کرنے پر آمادہ کر لیا۔
ذرائع کے مطابق بیرسٹر گوہر علی خان کی وزیراعلیٰ علی امین گنڈاپور، اسد قیصر، عاطف خان اور شہرام ترکئی سے بات چیت ہوئی، علی امین گنڈاپور دیگرپارٹی رہنماؤں سےاختلافات ختم کرنے پر رضامند ہوگئے۔
دوسری جانب اسد قیصر، عاطف خان اور شہرام ترکئی بھی اختلافات ختم کرنے پر متفق ہو گئے ہیں۔
بیرسٹر گوہر علی نے کہا کہ پارٹی کے اندرونی اختلافات ختم کرنے کیلئے کوشش کی، علی امین گنڈا پور نے معاملات سلجھانے کیلئے رضامندی کا اظہار کیا ہے۔
چیئرمین پی ٹی آئی نے کہا کہ بڑی پارٹیوں میں اختلافات ہوتے ہیں تاہم اس کا مطلب یہ نہیں کہ ٹوٹ پھوٹ ہوگی۔
بیرسٹر گوہر نے کہا کہ پارٹی رہنما اس بات پر متفق ہیں کہ اختلافات سے مسائل بڑھیں گے، بانی پی ٹی آئی کی رہائی کیلئے کوشش کر رہے ہیں۔
