قلعہ عبداللہ:(دنیا نیوز) بلوچستان کے علاقے قلعہ عبداللہ میں دھماکے میں5 افراد زخمی ہو گئے۔
لیویز ذرائع کے مطابق دھماکہ گلستان بازار میں جبار مارکیٹ کے قریب ہوا، دھماکے سے مارکیٹ کی متعدد دکانیں گر گئیں۔
ذرائع نے مزید بتایا کہ ابتدائی اطلاع میں یہ بات سامنے آئی ہے کہ دھماکہ ریمورٹ کنٹرول ڈیوائسز سے کیا گیا، تاہم امدادی ٹیموں نے اطلاع ملنے پر جائے وقوعہ پر پہنچ کر کارروائیوں کا آغاز کردیا، جبکہ زخمیوں کو ہسپتال منتقل کردیا گیا۔
لیویز ذرائع نے مزید بتایا کہ قانون نافذ کرنے والے اداروں نے علاقے کو گھیرے میں لے لیا اور واقعہ کے متعلق تحقیقات کا آغاز کردیا جبکہ جائے وقوعہ سے شواہد اکٹھے کیے جارہے ہیں۔
