ویٹیکن سٹی: (دنیا نیوز) چیئرمین سینیٹ یوسف رضا گیلانی نے ویٹی کن میں پوپ لیو 14 کی حلف برداری کی تقریب میں شرکت کی ہے۔
یوسف رضا گیلانی نے حلف برداری تقریب میں پاکستان کی نمائندگی کی، حکومت اور عوام کی طرف سے نیک تمنائیں پوپ کو پہنچائیں۔
سینیٹ سیکریٹریٹ کے مطابق تقریب میں دنیا بھر کے سربراہانِ مملکت اور عالمی رہنماؤں نے شرکت کی، تقریب میں وفاقی وزیر کھیل داس کوہستانی اور پنجاب کے وزیر سردار رمیش سنگھ اروڑا بھی موجود تھے۔
چیئرمین سینیٹ نے کہا کہ بین المذاہب مکالمہ، امن اور باہمی احترام پاکستان کی پالیسی کا اہم جزو ہے، قائدِ اعظم محمد علی جناح ؒ کے وژن کے مطابق پاکستان میں تمام مذاہب کو مکمل آزادی حاصل ہے، پاکستان میں تمام مذاہب کے افراد کو وقار سے جینے کا حق حاصل ہے۔
