لاہور: (دنیا نیوز) وزیراعلیٰ پنجاب مریم نواز نے وزیراعلیٰ بلوچستان سرفراز بگٹی سے رابطہ کیا اور خضدار میں سکول وین پر دہشت گردوں کے حملے کی شدید مذمت کی۔
مریم نواز نے سرفراز بگٹی کو مشکل گھڑی میں بھرپور تعاون کی یقین دہانی کرائی، دہشت گردوں کے خلاف اقدامات میں معاونت اور زخمی افراد کی علاج میں تعاون کی پیشکش کی۔
وزیراعلیٰ پنجاب نے کہا کہ مشکل گھڑی میں بلوچستان کے بہن بھائیوں کے ساتھ کھڑے ہیں، پنجاب حکومت ہر ممکن تعاون کیلئے تیار ہے، مریم نواز نے معصوم بچوں کی شہادت پر گہرے رنج و غم کا اظہار کیا، زخمی بچوں کی جلد صحت یابی کیلئے دعا کی۔
مریم نواز نے متاثرہ خاندانوں سے دلی ہمدردی کا اظہار کرتے ہوئے کہا کہ شہید بچوں کے والدین کے دکھ کو محسوس کر سکتی ہوں۔
