پشاور:(دنیانیوز) پی ڈی ایم اے نے کہا ہے کہ تربیلا ڈیم سےبجے سپِل وے دوبارہ کھول دیے گے۔
ترجمان پی ڈی ایم اے کے مطابق ڈیم سے پانی کے اخراج سے پانی کی سطح 160,000 سے 260,000 کیوسک تک پہنچنے کا امکان ہے، دریائے سندھ اور اس سے منسلک ندی نالوں میں طغیانی کا خدشہ ہے۔
پی ڈی ایم اے کی جانب سے ضلعی انتظامیہ کو مقامی آبادی کو الرٹ رکھنے کی ہدایت کر دی گئیں، عوام دریاؤں اور ندی نالوں کے قریب جانے سے گریز کریں، ماہی گیر اور مویشی پال افراد محفوظ مقامات پر منتقل ہو جائیں، بچوں کو ندی نالوں کے قریب جانے سے روکیں۔
ترجمان کا کہنا تھا جانب سے والدین ، سیاح اور مقامی افراد کو بھی پی ڈی ایم اے کی ہدایات پر عمل کرنے کی اپیل کی گئی ہے، کسی بھی نا خوشگوار اور ہنگامی صورتحال میں پی ڈی ایم اے کی ہیلپ لائن 1700 پر رابطہ کرسکتے ہیں۔
پی ڈی ایم اے کا مزید کہنا تھا کہ عوام صرف مستند ذرائع سے معلومات حاصل کریں اور افواہوں سے گریز کریں۔
