اسلام آباد: (دنیا نیوز) ترجمان دفتر خارجہ نے امریکی صدر ڈونلڈ ٹرمپ کے دورہ پاکستان کی خبروں پر لاعلمی ظاہر کر دی۔
ترجمان دفتر خارجہ شفقت علی خان نے خبر رساں ادارے رائٹرز سے گفتگو میں امریکی صدر ڈونلڈ ٹرمپ کے دورہ پاکستان سے متعلق لاعلمی کا اظہار کیا۔
اس سے قبل یہ خبریں سامنے آئی تھیں کہ امریکی صدر ٹرمپ 18 ستمبر کو پاکستان کے دورے پر اسلام آباد پہنچیں گے جس دوران وہ پاکستان کی سیاسی و عسکری قیادت سے ملاقاتیں کریں گے۔
برطانوی خبر رساں ادارے کے مطابق اگر دورے کی تصدیق ہو جاتی ہے تو یہ دو دہائیوں میں کسی امریکی صدر کا پہلا دورہ پاکستان ہو گا۔
برطانوی خبر ایجنسی کا کہنا ہے کہ امریکی صدر ٹرمپ 17 سے 19 ستمبر کو برطانیہ کا دورہ کریں گے۔
اس حوالے سے برطانوی رائل پیلس نے بھی تصدیق کی ہےکہ امریکی صدر ٹرمپ برطانیہ کے بادشاہ چارلس کی دعوت پر برطانیہ پہنچیں گے۔
