لاہور: (دنیا نیوز) وزیراعلیٰ پنجاب مریم نواز شریف کی ہدایت پر بارش سے متاثرہ علاقوں سے شہریوں کی محفوظ مقامات پر منتقلی جاری ہے۔
بارش میں امدادی سرگرمیوں کے دوران ریسکیو ٹیم نے انسانی ہمدردی کی روشن مثال قائم کر دی، ریسکیو ٹیم نے سپیشل پرسن کو فیملی کے 7 افراد کے ساتھ محفوظ مقام پر منتقل کیا۔
یہ بھی پڑھیں: دریائے جہلم میں سیلاب کا خدشہ، سرگودھا کے 40 دیہات خالی
جہلم کے نواحی علاقوں میں موٹر بوٹ کی رسائی ممکن نہیں تھی، جہلم کے نواحی علاقے میں سیلابی ریلے میں گھر جانے والے خاندان کی اطلاع ملتے ہی ریسکیو ٹیم فوراً پہنچ گئی۔
— Mian junaid (@jmian1090) July 18, 2025
ریسکیو ٹیم نے ایک ہی خاندان کے 8 افراد کو ریسکیو کر کے محفوظ مقام پر منتقل کیا، ریسکیو 1122 ٹیم نے سپیشل پرسن کو چار پائی پر ڈال کر میلوں فاصلہ پیدل طے کیا۔
سپیشل پرسن اوراس کے اہل خانہ نے محفوظ مقام تک پہنچانے پر ریسکیو ٹیم کا شکریہ ادا کیا۔
