توشہ خانہ ٹو کیس کی سماعت آج اڈیالہ جیل میں ہوگی

Published On 28 July,2025 08:39 pm

راولپنڈی: (دنیا نیوز) توشہ خانہ ٹو کیس کی سماعت آج 10 بجے اڈیالہ جیل میں ہوگی۔

ذرائع کے مطابق کیس کی سماعت سپیشل سینٹرل جج شاہ رخ ارجمند صبح 10 بجے کریں گے، اِس موقع پر بانی پی ٹی آئی اور بشریٰ بی بی کو کمرہ عدالت میں پیش کیا جائے گا۔

کل کی سماعت میں پراسیکیوشن کے میں مزید گواہان عدالت میں پیش کئے جائینگے، بانی پی ٹی آئی اور بشری بی بی کے وکلاء ارشد تبریز اور قوسَین مفتی پیش ہونگے جبکہ پراسیکیوشن کی جانب سے ذوالفقار نقوی اپنی ٹیم کے ہمراہ عدالت میں ہونگے۔

واضح رہے کہ گزشتہ سماعت وکلاء صفائی کی عدم موجودگی کی وجہ سے بغیر کاروائی کے ملتوی کر دی گئی تھی۔