نیویارک:(دنیا نیوز) نائب وزیر اعظم و وزیر خارجہ اسحاق ڈار نے مصر کے وزیر خارجہ ڈاکٹر بدر عبدلطی سے ملاقات کی ہے۔
دفتر خارجہ کے ترجمان کے مطابق ملاقات دو ریاستی حل پر بین الاقوامی کانفرنس کی سائیڈ لائنز پر ہوئی ہے، دونوں رہنماؤں نے خارجہ، دفاع، تجارت اور سرمایہ کاری کے مختلف شعبوں میں میں تعاون بڑھانے کی اہمیت پر زور دیا۔
ترجمان کا کہنا تھا کہ فریقین کا مستقبل میں اعلیٰ سطح کے تبادلے کرنے پر بھی اتفاق ہوا، مصری وزیر خارجہ نے پاکستان کو سکیورٹی کونسل کی صدارت سنبھالنے پر مبارکباد دی۔
دفتر خارجہ کے ترجمان کا مزید کہنا تھا کہ دونوں رہنماؤں نے فلسطینی عوام اور ان کے منصفانہ مقصد کے لیے اپنی غیر متزلزل حمایت کا بھی اعادہ کیا۔
