اسلام آباد: (دنیا نیوز) رانا ثنا اللہ نے تحریک انصاف کو سپیکر آفس میں مذاکرات کی دعوت دیدی۔
رانا ثناء اللہ نے پروگرام دنیا مہر بخاری کے ساتھ میں گفتگو کرتے ہوئے کہا وزیراعظم نے تو اپوزیشن کو سپیکر آفس میں مذاکرات کی دعوت دی ہوئی ہے، وزیراعظم نے تو کہا ہے ملک کی بہتری کیلئے آپس میں بیٹھ جائیں۔
ان کا مزید کہنا تھا کہ بانی کے بیٹوں کے ویزوں میں کوئی رکاوٹ نہیں، اگر کوئی مسئلہ آرہا ہے تو سپیکر کے پاس آجائیں حل کرا دیں گے، سپیکر آفس میں وزیراعظم کو بھی بلا لیں گے، ضمنی الیکشن کے بائیکاٹ سے پی ٹی آئی کی مشکلات بڑھیں گی۔
رانا ثنا اللہ کا کہنا تھا کہ بائیکاٹ سے معاملات نہیں سنبھلتے، سسٹم میں رہ کر ہی جدوجہد کی جاسکتی ہے، خواجہ آصف کی بات پر کسی کو برا نہیں منانا چاہئے، وائٹ کالر کرائم میں لوگ کہاں ثبوت چھوڑتے ہیں۔
