اسلام آباد: (دنیا نیوز) وفاقی وزیر داخلہ محسن نقوی سے امریکی کوآرڈینیٹر برائے انسداد دہشت گردی گریگوری لوگروف نے ملاقات کی جس میں اہم امور پر تبادلہ خیال کیا گیا۔
اس موقع پر وفاقی وزیر داخلہ محسن نقوی نے گفتگو کرتے ہوئے کہا ہے کہ امریکی صدر ٹرمپ کی حکومت آنے کے بعد پاک امریکا تعلقات میں غیرمعمولی بہتری آئی ہے، صدر ٹرمپ کی عالمی امن کے لیے مخلصانہ کاوشیں قابل تحسین ہیں۔
گریگوری لوگروف کا اس موقع پر کہنا تھا کہ پاکستان جیو اسٹریٹجک اعتبار سے انتہائی اہم ہے، ملاقات میں پاک امریکا تعلقات، انسداد دہشت گردی، بارڈر سکیورٹی، انسداد منشیات اور مختلف شعبوں میں تعاون بڑھانے پر بھی اتفاق کیا گیا۔
