کراچی: (دنیا نیوز) شہر قائد میں 11 اور 12 ربیع الاوّل کو ہیوی ٹریفک کے داخلے پر پابندی عائد کر دی گئی۔
جشن میلاد النبیؐ کے حوالے سے تقریبات کے سلسلے میں شہر قائد میں ہیوی ٹریفک کے داخلے پر 2 دن پابندی رہے گی۔
ٹریفک پولیس کے مطابق سڑکوں اور لنک روڈ پر جلسوں اور ریلیوں کا انعقاد ہوگا، شہریوں کی حفاظت کے لئے یہ فیصلہ کیا گیا ہے۔
واضح رہے کہ 12 ربیع الاوّل 6 ستمبر بروز ہفتہ کو ملک بھر میں مذہبی جوش و جذبے کے ساتھ منائی جائے گی۔
