صدرمملکت کی شہید میجر عدنان اور سید معیز شہید کے گھر آمد، اہلخانہ سے تعزیت

راولپنڈی: (دنیا نیوز) صدر مملکت آصف علی زرداری نے میجر عدنان اسلم شہید اور میجر سید معیز عباس شاہ شہید کے گھروں کا دورہ کیا اور اہلخانہ سے تعزیت کی۔

صدر مملکت نے شہدا کی جرات، قیادت اور حب الوطنی کو خراج تحسین پیش کرتے ہوئے کہا کہ شہدا کی قربانیاں اعلیٰ ترین روایات کی عکاس ہیں، پاکستان دہشتگردی کے مکمل خاتمے کیلئے پرعزم ہے۔

صدر مملکت آصف علی زرداری نے شہدا کے درجات کی بلندی اور اہل خانہ کیلئے صبر کی دعا کی۔

واضح رہے کہ میجر عدنان اسلم بنوں میں دہشت گردوں کے حملے میں زخمی ہونے کے بعد شہید جبکہ میجر سید معیز عباس شاہ جنوبی وزیرستان میں انٹیلی جنس آپریشن کے دوران شہادت کے رتبے پر فائز ہوئے تھے ۔

دونوں افسران بھارتی سرپرستی میں چلنے والے فتنہ الخوارج کے خلاف بہادری سے لڑتے ہوئے وطن پر قربان ہوئے ۔