اسلام آباد: (دنیا نیوز) صدر مملکت آصف علی زرداری چینی حکومت کی دعوت پر بیجنگ روانہ ہوگئے، وہ 21 ستمبر تک چین کا دورہ کریں گے۔
دفتر خارجہ کے مطابق صدر مملکت آصف علی زرداری شنگھائی، چنگڈو اور سنکیانگ کے دورے میں چین کی صوبائی قیادت سے ملاقاتیں کریں گے۔
ملاقاتوں میں پاک چین تعلقات، تجارتی و اقتصادی تعاون اور پاک چین اقتصادی راہداری پر تبادلہ خیال ہو گا، دونوں ممالک کثیرالجہتی فورمز پر تعاون پر بھی بات کریں گے۔
سفارتی ذرائع کا کہنا ہے کہ پیپلز پارٹی کے چیئرمین بلاول بھٹو زرداری بھی صدر مملکت آصف علی زرداری کے ساتھ چین کا دورہ کر رہے ہیں۔
