گورنر پنجاب کی شہید میجر عدنان، کیپٹن تیمور کے گھر آمد، اہلخانہ سے اظہار تعزیت

راولپنڈی: (دنیا نیوز) گورنر پنجاب سردار سلیم حیدر کی شہید میجر عدنان اسلم اور شہید کیپٹن تیمور حسین کے گھر آمد، اہل خانہ سے ملاقات کی۔

گورنر پنجاب سردار سلیم حیدر نے شہداء کے درجات کی بلندی کے لئے دعا اور فاتحہ خوانی کی، اہلخانہ سے اظہار تعزیت بھی کیا۔

گورنر سلیم حیدر خان نے شہید میجر عدنان اسلم کی والدہ کو سلام پیش کرتے ہوئے کہا کہ میجر عدنان اسلم نے جس طرح خوارج کا مقابلہ کیا پوری دنیا نے ان کی جرات کو دیکھا،شہدا کی فیملیوں کو کبھی تنہا نہیں چھوڑیں گے۔

سردار سلیم حیدر کا مزید کہنا تھا کہ شہدا کی فیملیوں کیلئے گورنر ہاؤس کے دروازے ہمیشہ کھلے ہیں۔