لاہور: (دنیا نیوز) پنجاب آگاہی اور معلومات کی ترسیل ایکٹ 2025 لاہور ہائیکورٹ میں چیلنج کر دیا گیا۔
درخواست شہری اشبا کامران کی جانب سے لاہور ہائیکورٹ میں دائر کی گئی ہے، درخواست میں پنجاب حکومت سمیت دیگر کو فریق بنایا گیا ہے۔
درخواست گزار نے موقف اختیار کیا ہے کہ حکومت پنجاب نے قانون سازی کرتے ہوئے قانونی تقاضے پورے نہیں کیے، لاہور ہائیکورٹ پنجاب آگاہی اور معلومات کی ترسیل ایکٹ آئین سے متصادم قرار دے کر کالعدم قرار دے۔
درخواست میں مزید استدعا کی گئی ہے کہ عدالت درخواست کے حتمی فیصلے تک ایکٹ پر عملدرآمد روکنے اور ایکٹ کے تحت جاری پراجیکٹس اور فنڈز روکنے کا حکم دے۔
