اسلام آباد:(دنیا نیوز)جے یو آئی کے سربراہ مولانا فضل الرحمان نے وزیراعلیٰ پنجاب مریم نواز اور رانا ثنا اللہ سے رابطہ کیا ہے اور کہا ہے کہ احتجاج کرنے والی مذہبی کا معاملہ خوش اسلوبی کے ساتھ حل کیا جائے۔
باوثوق ذرائع کے مطابق کے مطابق مذہبی جماعت کے احتجاج اور پنجاب میں امن و امان کی خراب صورتحال پر سربراہ جے یو آئی مولانا فضل الرحمان متحرک ہوگئے اور انہوں نے وزیراعلی پنجاب مریم نواز سے ٹیلیفونک رابطہ کیا۔
ذرائع کے مطابق مولانا نے وفاقی حکومت کے نمائندے رانا ثناء اللہ سے بھی رابطہ کیا اور دونوں سے علیحدہ علیحدہ درخواست کی کہ وفاق اور پنجاب حکومت مذہبی کے احتجاج کے معاملہ کو پرامن طریقے سے سلجھائے، اس معاملے کو خوش اسلوبی اور افہمام و تفہیم کے ساتھ مل بیٹھ کر حل کیا جائے، ملکی حالات تصادم کے متحمل نہیں۔
دوسری جانب ذرائع کا یہ دعویٰ بھی سامنے آیا ہے کہ مولانا فضل الرحمان کی درخواست کے بعد مذہبی جماعت اور حکومت کے درمیان مذاکرات شروع ہوگئے ہیں،دوسری جانب مظاہرین کا قافلہ مرید کے پہنچ گیا جہاں شرکا آج رات قیام کریں گے۔
