اسلام آباد: (دنیا نیوز) پاکستان پیپلز پارٹی آزاد کشمیر کی پارلیمانی پارٹی کے اجلاس کا مقام اور وقت چوتھی مرتبہ تبدیل کردیا گیا۔
ذرائع کے مطابق بلاول بھٹو نے پیپلز پارٹی پارلیمانی گروپ کا اجلاس آج شام زرداری ہاؤس اسلام آباد میں طلب کیا ہے جس میں آصف زرداری اور فریال تالپور بھی شریک ہوں گے۔
ذرائع کا کہنا ہے کہ پیپلز پارٹی آزاد کشمیر کے ارکان اسمبلی کو اجلاس میں شرکت کی ہدایت دی گئی ہے جبکہ اجلاس میں نئے وزیراعظم کی نامزدگی کا بھی امکان ہے۔
ذرائع نے بتایا کہ اس اجلاس میں وزیراعظم آزاد کشمیر انوارالحق کو عہدے سے ہٹانے اور نئی حکومت بنانے سے متعلق حکمت عملی طے کی جائے گی۔
دوسری جانب ذرائع کا بتانا ہے کہ وزارت عظمیٰ کے لیے مطلوبہ ارکان اسمبلی کی تعداد پوری کرنے کے لیے فریال تالپور کی اہم ملاقاتیں جاری ہیں، پیپلز پارٹی کو 27 ارکان اسمبلی کی حمایت حاصل ہوئی تو آج نیا وزیراعظم نامزد ہو جائے گا۔
ذرائع کے مطابق وزارت عظمیٰ کے لیے صدر پیپلز پارٹی چودھری یاسین، لطیف اکبر اور سردار یعقوب امیدوار ہیں۔
