اسلام آباد: (دنیا نیوز) وزیر مملکت داخلہ طلال چودھری نے کہاکہ خیبرپختونخوا حکومت کو آئین کے تقاضوں کے مطابق چلایا جانا چاہیے۔
وزیر مملکت داخلہ طلال چودھری نے ویڈیو پیغام میں کہا کہ کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں، آئین پاکستان کسی ایسے شخص کو جو عدالت سے سزا یافتہ ہو یا جیل میں قید ہو حکومتی یا انتظامی فیصلوں میں حصہ لینے کی اجازت نہیں دیتا۔
طلال چودھری نے کہا کہ موجودہ وفاقی حکومت آئین کی بالادستی پر یقین رکھتی ہے، کسی ’’نیازی لا‘‘ یا ذاتی قانون کے تصور کو قبول نہیں کیا جا سکتا، کسی فرد واحد کو آئین سے بالاتر حیثیت نہیں دی جا سکتی۔
وزیر مملکت برائے داخلہ کا مزید کہنا تھا کہ کے پی حکومت اپنی صوابدید کے مطابق آزادانہ فیصلے کرے۔
