پشاور: (دنیا نیوز) وزیر اعلیٰ خیبر پختونخوا سہیل آفریدی نے باجوڑ میں تحریک انصاف کے ایم پی اے انور زیب خان کی رہائشگاہ پر بم دھماکے کی شدید مذمت کی ہے۔
وزیر اعلیٰ خیبر پختونخوا سہیل آفریدی نے پولیس اور متعلقہ اداروں کو دھماکے کی فوری تحقیقات کی ہدایت کرتے ہوئے کہا کہ امن و امان قائم رکھنا حکومت کی اولین ترجیح ہے، وزیراعلیٰ نے آئی جی پولیس سے واقعے کی فوری رپورٹ طلب کر لی۔
سہیل آفریدی کا کہنا تھا کہ اس قسم کے بزدلانہ حملے ہمارے حوصلے پست نہیں کر سکتے، وزیر اعلیٰ نے زخمی ہونے والے شخص کو فوری اور بہترین طبی سہولیات فراہم کرنے کی بھی ہدایت کی ہے۔
